Hungaw sa Dagat

        Ning-hawan ang baybayun

               Aron andamun imung agianan

                       Ug mibaktas ka daplin gyud sa mga

           Nagpangab-ot nga balod,

                                          Paingon nako.

                     Hagbay rang nabuntog ang kasakit

         Duyog sa hagbay rang nahanaw nga adlaw;

                                   Ug ang bugnawng hangin, dalas

                            Mga nagkurog nga bituon,

       Maoy nag-hatud sa imong kaanyag

           Aron akong makaplag.

                         O ang hungaw sa dagat

          nga daw wa’y bili kon itandi sa imong mga panaghoy.

                      Ug sama sa mga luha mo’ng
Dili ko na mabakwi human ni-usa sa baybayun,

       Di na tika makab-ot, di na tika maapas…

Misagol na ka sa balas.

17 Apr This entry was published on 05.28.12 at 23:30 and is filed under Uncategorized. Bookmark the permalink. Follow any comments here with the RSS feed for this post.